*TATANG

Para king pakamalan kung Tatang         
Faustino Luna Magtuloy
Neng Maria Teresa Magtuloy-Evangelista

Tatang, kapilanman pane kung gaganakan,
Manibat inyang kanakung kamusmusan,
Lingap mu anti kung maulagang pibandian,
Aku ing kabud perlas mung pakamalan.

Ing bie tamung milabas e ku kalinguan,
Nung makananu mu keng ingat-ingatan,
Ing malablab mung lugud, alang angganan,
Para kang Indu’t ikaming anak mu ngan.

Neng ika at Indu, atin pikagulwan,
Nung mangiak ku iya mong pigaganakan,
King isip mu, malati mung kaluguran,
Tabug mu kang Indu, agad nang gulutan.

Oras-oras ing lugud mu aramdaman,
Balamu mamaus, yaku panenayan,
Lakuas mekatni iniang king kekang ketuan,
Balamu metingkad at e kinupas man.

Indat sisilim kekatang pipagkwentuan,
Maglua mung mata atiu la malautan,
Kilub mung pusu, keka pang titinapan,
Na sana y Indu e ya pa meko man.

Ing lugud ku keka anggang katataulian,
E lumbug, nune atyu pane aslagan,
Liningap daka king agyu kung paralan,
Madaliseng lingap keka, yang inampang.

O Tatang, pusu ku ngeni manamdaman,
Dinatang na aldong mako ka kailangan,
Sana, ika at Indu, e yu ku likuan,
Uling lugud yung babie, kakung kailangan...

*Ginale nang MTMME king radyu ning Parnasong
 Kapampangan 91.9FM, Marso 27, 2010.

 *DADDY     
 
 For our beloved father,       
 Faustino Luna Magtuloy
 By Maria Teresa Magtuloy-Evangelista

 Daddy, I will always remember,
 Since I was your little girl,
 The way you treasure me ever,
 I am your most precious pearl.

 Those olden days I remember,
 How you took care of us,
 Your flaming love ever,
 For Mommy and all of us.

 When you and Mommy quarrel,
 You check on me if I’m crying
 You always think of your little girl,
 Then you back out from leaving.

 All the time your love I feel,
 As if calling me and waiting,
 Louder in your old age and still,
 Your love knows no fading.
 
 When we chat in the evening,
 Those teary look you cast faraway,
 In your heart you kept yearning,
 That Mommy still here to stay.
 
 My love for you until the last day,
 Isn't waning but a shining sun,
 Cared for you in my own way,
 The best loving way I can.

 Oh Daddy, now it breaks my heart,
 The day came you need to leave,
 Please, you and Mommy, don’t you part,
 I always need that love you give.

 *Delivered at GNC Auditorium, Pampanga February 26,
 2010