TUNE KAKALUGURAN
© Neng Maria Teresa M. Evangelista




      TUNE KAKALUGURAN
Neng Maria Teresa M. Evangelista
      Oktubri 26, 2010


King sakulan marakal la ding tanaman,
Dapot mapilan la mu ding maglambatan,
King bie marakal la ring kakaluguran,
Dapot piranggut la mu ding mitatagan.

Karetang tutuki king aldong albugan,
Pabakal ku kakung kapasalamatan,
Atiu la karing alala kung sisimpan,
At paglualu ku ing mayap dang kabilian.

King bie, neng sapakan la ding datukanan,
Abala tang manigobra king kabiayan,
Nia nung e ra na akwang mibalikid man,
Nasa ku masampat la sa pupuntalan.

Karening menatiling kakaluguran,
Salamat at atiu kayu neng kailangan,
King oras ning lugma yaku dadamayan,
At king tula atiu kong dadakayanan.

Neng kailangan iyapse ing panamdaman,
Ban ining salu ku e neman kabayatan,
Ibie ye ing takdeng kakung pisandalan,
Ban kayan naman at miren kapainawan.

Nung sakaling miparas ku nukarinman,
Manggaman bitbit ku ing kekong kayapan,
Aduan ku king Dios iko sana ablasan,
King lugud yu, tune kung kakaluguran!

Batyon taya ing mangisnawang sakulan,
Ding manerakan a impun a mitagan,
Ilang mamuyutputan, mamulaklakan,
Yatad ing banglu ning pamikaluguran.

      TRUE FRIENDS
By Maria Teresa M. Evangelista
    October 26, 2010

There are many trees in the fields,
But then only few last for long,
In life as well, got many friends,
But only few remain along.

To those who go with the sunset,
I give to them my gratitude,
In my memories, they’re well-kept,
And I’m praying they’re doing good.

In life, as we accumulate stock,
Too busy working for livelihood,
So if friends can’t afford to turn back,
I only wish they’re heading for good.

To Friends, who are here with me,
Thank you, you’re there in my need,
In times of blues, your sympathy,
And in joy, still there to share with.

When I need to unload feelings,
So not too heavy within my chest,
You give me a shoulder for leaning
To lighten me and give me rest.

If sometime, somewhere, I’ll be gone,
I’ll carry your goodness ‘til the end,
I’ll ask God to bless you in return,
For your love, my dear true friends.

Let us glimpse at the breathing field,
We see the dancing, remaining trees, 
They’re branching and with flowers-filled,
As they bloom the fragrance of friendship.