-this page updated 26nov2010
MARIA TERESA MERCADO MAGTULOY-EVANGELISTA
Mibayit petsang 29 ning Agostu, 1962 Menila. Kaduang anak di Faustino Luna Magtuloy at Irene Andres Mercado, a poeta mu naman king amanung Inglis at anak nang bunsung Don Monico R. Mercado (a minunang deputadu o Congressman ning Kapampangan king First Philippine Assembly ketang 1907 at meturing Ibpa ning Sasmuan, Pampanga uling iyang mikawani kaniti king balen Guagua). Y Marites (MTMME) oyta ing palayu na, meragul yang malugud king poesia pablasang 6 idad ya pa mu daramdaman na neng mangigale y Indu na a balamu pagtumaila neng kanta karing paburitu nang poesia nang San Juan ning Crus, Cecil Frances Alexander Edgar Allan Poe. Inia idad 9 megumpisa neng susulat kawatasan king Amanung Inglis at pisinup-sinup nala king “scrap book” nang pemansagan In Solitude.
Dinalan ing panaun, mengapublika la reng kawatasan na karing magasin ding Iskwelang piluban na, pati na karing magasing local antimo ing Philippine Women’s Journal, pocket-book Philippine Poetry Anthology, mialiwang diaryung local pati na king Laurel Leaves ning UPLI. Meging aktibu ya king radyu ning Indung Kapampangan DWBL 91.9FM, karing crusada, comunidad, karing iskwela, anting metung karing tala-gale kawatasan king Amanung Kapampangan, karing mismung original nang poesia at paburitung poesia ding aliwang kayabe poeta.
Otor ne ning librung MAINGE PAMAGDILI-DILI o SOUNDING SOLITUDE, iti koleksiyun ne karing keyang poesia manibat iniang malati ya angga king panaun ngeni, at deting poesia makasulat la king Amanung Kapampangan at Inglis. Inia ing metung a tala-basa nung magkasakit ya king amanung Kapampangan, e no misakitan o mangabalang mantun pang diksunaryu, ding bisang mabiasang Kapampangan maligwa lang mabiasa, makanian mu rin karing Kapampangan a bisang mabiasang Inglis. Meging Editor-in Chief ya king coleyu. Menyambut yang mumunang nomiru (First Place) king ligligan pamanyulat poesia karing tala-turu ning Guagua National Colleges iniang 73 Foundation Day ning GNC petsang 1991. Ngeni metung ne karing miembrung poeta ning United Poets Laureate International UPLI king pamananggap keya ning Presidenti ning UPLI, Benjamin R. Yuzon, oyni ing link, http://www.upliwcp.org/poetryinkapampangan/evangelistamaritesphi.html, murin ning Academia Ning Amanung Sisuan Internasyunal ANASI king pamananggap at antabe ning presidenti ning ANASI Ernesto C. Turla, ning Aguman Talasulat ding Kapampangan AGTAKA king pamananggap nang Presidenti Felix M. Garcia at siempre ning Parnasong Kapampangan PK king pamananggap ning makamal Ari Renato B. Alzadon. http://parnasu.ning.com/profile/MTMERCADOMAGTULOYEVANGELISTA
Metung ya karing limang mikoronan laurel, bilang Poeta Laureadu, Agosto 28, 2010, Aldo Ning Amanung Sisuan, king Holy Angel Univeristy-Center for Kapampangan Studies. Ing mangorona yapin ing Ari Ning Parnasong Kapampangan, Poeta Laureadu Renato Bonus Alzadon. At ing bisita pang-dangal king mesabing katatagan yapin i Gobernador ning Kapampangan, Gob. Lilia Pineda kambe ning dating Presidenti, Cong. Gloria Macapagal Arroyo at Mayor ning Angeles, Eduardo Pamintuan.
Ing kabangal nang pusu ya pin y Tinyenti Vicente Manaois Evangelista (Ret.), ning Philippine Air Force. Adua dang dalagita: Mary Angela Therese, mibayit Oktubre 2, 1995 at Mary Queenie, mibayit 10 ning Pebreru, 1998.
Propesyun nang MTMME metung yang Certified Public Accountant(CPA), Masteral Degree Holder king Business Administration (MBA), Senior Partner king Atty Magtuloy Law & Accounting Offices, Senior Partner ning Converging Technologies Consultancy, Manila (ConTech) at 25 anos neng Accounting Professor king College of Accountancy ning Guagua National Colleges(GNC) Guagua, Pampanga at limang banua naman king University of Assumption (UA) at San Fernando, Pampanga, Philippines.
Email na: mtmevangelista5678@yahoo.com
YouTube : http://www.youtube.com/user/MARITES5678