DIWANG MALYAP

Mala-Soneto
Irvin Harvey Rivera

Siuala Ning Maliwalu/Anac Ning Baculud
Nanung ginulis na ning kanakung pinsil?
Pamanagimpan ya”t metung pamagbitkil;
kapanandaman yang e bisang matagkil;

king diwa kung malyap a e ku asupil.
Nanung susulat na ning kanakung pluma?
Ing Malungkut kung bie,– malugmang istorya;
king ba’yang milikas king metung a tema;
a pilit pasulat ning pusu’t kaladwa.

Ining dadalit ku lawiwi ya wari?
Malungkut yang kanta ning pusu kung sawi;
nung nu’ ko pawaga ring pita ku’t buri;
nung nu’ la migmula, nung nu’ la meyari.

Gugulis, susulat, at dadalit naku…
malyap ya pa mu ring dakpan ing diwa ku?

SiualaNingMaliwalu #AnacNingBaculud

This entry was posted in Poeta Irvin Harvey Rivera. Bookmark the permalink.

Leave a Reply

Your email address will not be published. Required fields are marked *