December, 2019
Destination:
Cairns, Queensland, Australia
Komusta pu kabalen,
Ing atiyu keng letratu swimming pools la keng barkung panturista pupuntang mamasyal kareng mialiwang parti ning yatu.
Makapuwestu ketang bandang babo maragul yang telebisyun nung nukarin la papalabas sine neng bengi lalam da ring batwin. Deng turista miminum la, mamangan, kakawe, o magpayangin kaya, kabang manalbe la o kaya naman makirandam keng palabas a sine.
Mitiyempung alang masyadung manalbe inyang kingwa ya ing letratu. Siguru uling alang masyadung dakal a batwin keng banwa at ken na lang kilub ning barku manalbe o magpainawa.
Umpisa na pa pu nining pamanyulat ku keni. Sana aburianan yu la at antabayan deng kakung apiling dake kekayung kabalen.
Mailig ku pu keng pamagletratu kabang mamasyal ampong lilibut nya keraklan pu letratu la reng abasa yu keng kakung page.
E ke pa pu pakakaba ing kakung buena manu.
Salamat pu keng pamamasa, at mingat ta palagi.
Angga pu keng tutuki.
~~~~~~~~~~
Freelancer
~~~~~~~~~~