nang: Dolly Poylorenzo Gigante
(Dalagang Baryu)
kekayu yang lawan ing metung a MAESTRA
yang bayaning talaturu king iskuela,
king bista man mababa ing sueldo na,
matula nang gagampanan ing obra na,
dapot ustung misan kaya malilyari
potang king kamalian darapat la deti,
nung usuka’ nala balang e malili
yapa ing kamuan ding aliwang pengari
About Kate Lapuz
I Catherine Atienza Lapuz, (a.k.a Ing Babaing Matun), bait ya king bario Concepcion ,balen ning Mexico, kapat karing lima rang anak di Elizardo Mallari Lapuz, tubung Mexico at Lolita Reglos Atienza a tubung Apalit king bario Colgante. Meulila king tatang king idad 13 banua,pauli ning masakit at akalingwan kararptanan ding taung atin lisyang kaisipan, king idad 7 pamung banua mibastag ne king obra o kapanintunan king marangle. Manuad pale ban kanita atin abias a itun king kaldera at apangan king oras , mamagut/mamulut/mamarug at mamalusbus balatung king kapalian na aslag ning aldo. Ustu ng panaun na ning pale tikman na ing mamagut /manyalbag sinabud karing libluban, makitanam / makipamalut / manuropa/ mandara/ mamalusbus, sasalud talwakan karing dadarang pakle ampon mamilad pale king dalan , ing makitanam at mamulut mais gewa na mu naman. Makipanugtug pakwan ampon milun nung nukarin sasaluk danum karing talaga, mamadwas tugak, manalangka , manasan ampoin manusu, mangumpe dikut ban atin lang apangan ding damulag antimurin ing manyogang damulag bayu lungub king pamagaral. Dening anggang mesambitlang areni pagmaragul na at e pikakarine. Uling ketang panaun a ita pakakalulu ing bie ning kekaming pamilya, meragul king pamanyese ring apu, at mengawang lugud karing pengari , uling meragul yang malaut karela pauli ning prinsipyu ketang panaun a ita.Uliniing tikman ng kasakitan o nkakaluluan king bie mignasa yang magpakayari king pamagaral . Idad pa mung 7 banuang buu na king isip na , datang ing panaun mayari ya king pamagaral at mitas ya istadu king bie( atin yang katuki......)
