“Ing mabayat mang calap
nung malda la ding bubuwat
mayan yang anting pacpac”
Hmm, nanung buri nang sabyan?
Nganang Cong Bart:
Nung lipat ne puwestu ing metung a bale,
Agyu ne pin waring catau mu buat ne?
Pero balang posti nung atin mantabe
Abuwat de pin naman lipat ya mang tete.
Lon mu ne mu canu ing tinting a palis
Nung metung yang tinting atin yang apildis?
Dapot nung dacal lang buclud mung ibigquis
Masqui nanung sucal atuwag dang mabilis.
O’y Indung salunan ban macapaulu
Mangailangan ya mong dinalan a libu
Dapot quecong anac apulung lumpuagu
Ala ngang macanyan cualta masqui ninu
Dapot alimbawang laganas quecayu
tsa-siyam cayu anac, se dinalan cayu?
Ngeni, balang metung mambag na’ng tsa-libu
O, de dinalan neng libung atipun yu!
E po, ne?