ANTING METUNG A BALAYAN
LUGUD MI’T PAMITAMBAYAN;
DINAN MU SANG KAGANAPAN
O KEKENG DIOS NING KAYAPAN.
NUNG KABURIAN MU, YANG GAWAN
IKE NGAN, MAGI KAMING NUAN;
NYA ‘PASIAG MI, KAPAMINTUAN
GUNYAT, ANTING KEKANG KAWAN.
ANAK MUNG KABUBUGTUNGAN
MEMINTU YA, GEWA NA NGAN;
AMANU YANG MIKATAWAN
NYA MIGDALA YANG KANAWAN;
ULING TUTU NANG PIGNASAN
NANUMANG ‘TING KALIGTASAN
GANAP YA’NG KAYANG PARASAN.
SALAMAT, O GINU MING NUAN
ING AMANUNG KEKENG SISUAN
SIBUL NE NING KEKENG LEGUAN;
ULING ANTING KAPAMPANGAN
AT KING PAMANGAPAMPANGAN
NASANG ‘PASIAG, KAMETUNGAN.
AMEN.
AMONG RONNIE D. CAO
22 Agostu 2011/ alas tres ning gatpanapun