(Inya Mangapampangan Ku!)
Sunis at Areglu: Bigben M. Escasa
Amanu: Among Ronnie D. Cao
Migkanta: K4AD (Harvey Quiwa; Bin Bondoc; Jomar dela Peña)
Kapampangan ku
Keni ing kebaitan ku
Meragul at mikaisip ku
King balen a tibuan ku.
Kapampangan ku
Uli na ning daya ku
Ding pipumpunang pakamalan ku
Ila ring penibatan ku.
KORO:
KAPAMPANGAN KU
INYA MANGAPAMPANGAN KU
PAKILALA KU, PANGATAU’T DANGALAN KU
KING AMANUNG SISUAN KU.
Kapampangan ku
King kekaba’ ning bie ku
Nung dumayu ku, ipasiag ku
Tune diwa ning kaladua ku.
Kapampangan ku
Angga king tauling inaua ku
Ing matas a dangalan, ipasa ku
Karing anak, sukat turuanan ku.
KORO:
KAPAMPANGAN KU
INYA MANGAPAMPANGAN KU
PAKILALA KU, PANGATAU’T DANGALAN KU
KING AMANUNG SISUAN KU.
TALETE:
Inya pin tutung pasalamat ku
Uling Kapampangan ku!
KORO:
KAPAMPANGAN KU
INYA MANGAPAMPANGAN KU
PAKILALA KU, PANGATAU’T DANGALAN KU
KING AMANUNG SISUAN KU.
KODA:
King amanung sisuan ku.
Among Ronnie D. Cao
Kumbentu ning Santuario
Cabetican, Bacolor, Pampanga
21 July 2011/07:26 ning abak