Nanung akakit mu keng patak ning lua ku
‘Ya’yng makalarawan lungkut at dusa ku
E ku sana buring iti damdaman mu
Ing mengalabas a kalbaryu ning bie ku.
E ku man kaburyan, kakung aranasan
Itang paninapan ‘ya’ng e ku akamtan
Pilit sasalikut, babalut king timan
Oneng deng mata ku ‘la biasang maglaram.
Saskup ya’yng salu ku’t ining lua tutulu
Ot e mu saluran, apisan ya’yng pusu
Alilan mung tula ‘lang pamikakunu
At katmuan mung lugud kekang pamanyuyu.
Mekeni taryan me ining kakung gamat
E me tatabili king tune mung lingap.
🍀 Tulang ning Magalang 🍀
melanie28april2016vicenza
Melanie Cunanan